Thursday, October 25, 2007

الايمان.....الصادق


يحكى أن رجلا من هواة تسلق الجبال ,

قرر تحقيق حلمـه في تسلق أعلى جبال العالم وأخطرها وبعد سنين طويلة من التحضير وطمعـاً في أكبر قدر من الشهرة والتميز ,

قرر القيام بهذه المغامرة وحده وبدأت الرحلة كما خطط لها ومعه كل ما يلزمه لتحقيق حلمه..

مرت الساعات سريعة و دون أن يشعر
فــاجأه الليل بظلامه وكان قد وصل تقريبًا إلى نصف الطريق حيث لا مجال للتراجع
ربما يكون الرجوع أكثر صعوبة وخطورة من إكمال الرحلة
و بالفعل لم يعد أمام الرجل سوى مواصلة طريقه الذي ماعاد يراه وسط هذا الظلام الحالك
وبرده القارس ولا يعلم ما يخبأه له هذا الطريق المظلم من مفاجآت


و بعد ساعات أخرى أكثر جهدًا وقبل وصوله إلى القمة,

إذ بالرجل يفقد اتزانه
ويسقط من أعلى قمة الجبل
بعد أن كان على بُعد لحظات من تحقيق حلم العمر
أو ربما أقل من لحظات
وكانت أهم أحداث حياته تمر بسرعة أمام عينيه
وهو يرتطم بكل صخرة من صخور الجبل
وفى أثناء سقوطه تمسك الرجل بالحبل الذي كان قد ربطه في وسطه منذ بداية الرحلة ولحسن الحظ كان خطاف الحبل معلق بقوة من الطرف الآخر بإحدى صخور الجبل فوجد الرجل نفسه يتأرجح في الهواء..

لا شئ تحت قدميه سوى فضاء لا حدود له ويديه المملوءة َ بالدم ممسكة بالحبل بكل ما تبقى له من عزم وإصرار


وفـــي وسط هذا الليل وقسوته ,

التقط الرجل أنفاسه كمن عادت له الروح يمسك بالحبل باحثــاً عن أي أملٍ في النجاة وفي يأس لا أمل فيه ,

صرخ الرجل: إلهـي , إلهـي , تعالَ أعـنّي

فاخترق هذا الهدوء صوت يجيبـه من داخل عقله: ماذا تريـد ياعبدي ؟؟

قال الرجل بلهفة: أنقذني يا رب

فأجابه الصوت: أتــؤمن حقـاً أني قادرٌ علي إنقاذك؟؟

أجابه الرجل: بكل تأكيد, أؤمن يا إلهي ومن غيرك يقدر أن ينقذني؟

وكان الرد: إذن , اقـــطع الحبـــل الذي أنت ممــــسكٌ به

وبعد لحظة من التردد لم تطل ,

تعـــــلق الرجــــل بحبلــــه أكــــثر فأكـــــثر

وفــــي اليـــوم التالـــي ,

عثر فريق الإنقاذ على جثة رجل..

على ارتفاع مــــــتر واحد من سطح الأرض,

ممسك بيده حبل وقد جمّده البرد

تمامـًا مـــــــتر واحد فقط من سطح الأرض

مـــــاذا عـــــنك؟
هل قطعت الحبل؟
هل مازلت تظن أن حبالك سوف تنقذك؟
إن كنت وسط آلامك ومشاكلك..

تتّكل على حكمتك وذكاءك..
فتأكد من أنه ينقصك الكثير كي تعلم معنى الإيمــان
اصدقائى هذا الحبل هو الدنيا ....والتمسك بهاهو الاطمئنان لها
قال تعالى
بسم الله الرحمن الرحيم
ان الذين لا يرجون لقاءنا ورضوا بالحيوة الدنيا واطمانوا بها
والذين هم عن ايتنا غفلون*أولئك مأوئهم النار بما كانو يكسبون
إن الذين امنوا وعملوا الصلحت يهديهم ربهم بإيمنهم تجرى من
تحتهم الانهر فى جنات التعيم
صدق الله العظيم
يونس- 6
.
.
مـــمـــكـــن


26 comments:

semsem said...

ببابك لن أغادره


ولن أسعى إلى غيرك


سأنسج بالرضا ثوبى


وأشرف أننى عبدك


وأهتف فى جبين الصبح


حين يقال من ربك


إلهى خالق الأكوان


أشرف أننى عبدك


إلهى فالق الإصباح


شرفى أننى ملكك


رائع يا ممكن
بجد تحفه انحنى لك شكرا
ربنا يكرمك يا رب

اسكندراني اوي said...

ياااااااااااااااه
سبحان الله
كلنا متعلقين بالحبل ده
وبينا وبين النجاه خطوات

ممكن نقطع الحبل ؟؟

بوست وقفني ادام نفسي
ومش لاقي اجابه

Hadota ... حدوتة said...

ممكن
البوست تحفة بجد
الحكمة والحنكة والذكاء كلها اشياء جميلة ويحتاج اليها الانسان ولكن ليس بقدر احتياجه الى رب العالمين وايمانه بانه قادر على كل شىء

عارف يا ممكن اخطر حاجة تعلق الانسان بالدنيا وحزنه وزعله على مايفوته منها

ثقة العبد وحبه الحقيقى النابع من القلب لله سبحانه وتعالى تخليه يتكل على ربنا فى كل امور حياته ويبقى متأكد ان ربنا مش هيضيعه .. الاحساس دا بيعمل عند الانسان نفسه نوع من النشوي الداخليه حتى وهو فى احلك الظروف

تحياتى يا ممكن
جزاك الله عنا كل خير

ولــــــــــو said...

الله
بوست اكتر من رائع
انت على فكره وضحتلي حاجات كتير جدا
البوست ده لما قريته حسيت برجه ف جسمي بجد والله
جزاك الله خيرا وربنا يرزقنا الايمان

مؤمنه said...

السلام عليكم ورحمة الله وبركاته
جزاك الله أفضل جزاء على هذا الموضوع القيم
واللهم ازهدنا فى الدنا
حقا موضوع قيم جدا جدا
الى المزيد
والسلام عليكم ورحمة الله وبركاته

Muhammad Mammdouh said...

بجد موضوع ضخم وقوى

rack-yourminds said...

بسم الله الرحمن الرحيم

ومن يتق الله يجحعل له مخرجا ويرزقه من حيث لا يحتسب

صدق الله العظيم

بجد يا ممكن أنا انبارح قعدت أفكر يا تري موضوعي هيكون ايه في المنبر وتقريبا فكرت في موضوع يشبه هذا البوست ...


--------

بعتقد ان جزء كبير من همومنا وتعاستنا بيكون سببه تكالبنا علي الدنيا ورغبتنا في السيطره عليها ومسكها بكلتا يدينا ...والانسان في سعيه لتحقيق تلك الغايه بينسي ربنا بينسي اوامره بينسي نواهيه لان عقله وذهنه تبرمج علي حب الدنيا ..أذ ان الانسان عندما تفتح له الدنيا ذراعيها وتعطيه من خيراتها وهو في غفله عن الله بتلاقيه دايما شايل الهم وعاوز المزيد والمزيد ودايما خايف علي ما اكتنزه وخايف من المستقبل ..تخيل لو أن هذا الشخص بيتقي الله وفاهم ان الدنيا مش غايه وانها وسيله الي الاخره مكنش هيقع في دائره همومه وخوفه من المستقبل

صحابة رسول الله صلي الله عليه وسلم كان فيهم من يمتلك المليارات لكنه بيعلم انه كله فاني ولا يبقي الا وجه الله

{ من كان يريد حرث الآخرة نزد له في حرثه ومن كان يريد حرث الدنيا نؤته منها وما له في الآخرة من نصيب } .

صدق الله العظيم


كلامي ده مش معناه اننا نعيش في صومعه ونترك الدنيا لا محدش قال كده

ديننا بيؤمر اننا نمتلك الدنيا ونمتلك زمامها ونسيطر عليها فنحن الاولي بها بس ده كله لازم يكون متزامن مع طاعة الله
بمعني نعبد الله ونبتعد عن معاصيه وبعد كده نكسب ونربح ونمتلك الدنيا ونسيطر عليها

تحياتي لك يا ممكن بجد موضوعاتك بتعجبني

sn0wna said...

بوست هايل ومش عارفه اقول ايه غير انى فعلا محتاجه اعيد نظره في الحياة لانها فعلا ما تسواش جناح بعوضه
واخيرا بحييك على اسلوبك في توصيل فكرتك بقصص ممتعه و قريبه ولم نسمع عنها قط يعنى افكارك جديده وعلى رأي المثل
new is the best

منى said...

سبحان الله موضوع قوى جدا
ربنا يهدينا ويزيدنا ايمان جميعا

momken said...

semsem
ــــــــــــــ
ابتهال جميل ودعائك مؤثر جدا
انا بعد اذنك نقلته علشان احفظه
متشكر لتشجيعك جدا
انتى فعلا فنانه رقيقه وحساسه وبتبثى الاحساس فى جميع من حولك

نورتينى

momken said...

اسكندراني اوي
ــــــــــــــــــــــــ
يا فندم انت منورنى وتعليقاتك بتشجعنى ديما وبتحطنى قدام مسئوليه كبيره انا اقل من تحملها

تحياتى


Hadota .. حدوتة
ـــــــــــــــــــــــ
حدوته المدونين اهلا يا استاذه طبعا عندك حق فى اخطر شىء هو التلعلق بالدنيا الحزن على فوات نعيمها لان النعيم الباقى هو نعيم الله فى الاخره

ولازم كلنا نفكر ان الدنيا دى كانت مجرد عقاب لسيدنا ادم لما عصى ربه واكل من الشجره ده معناه ان الدنيا مجرد عقاب من منحه
تحياتى ليكى ياقمر
وجزاكى خيرا ايضا


ولــــــــــو
ـــــــــــــــــــ
بارك الله فيك وجعلنى عند حسن ضنكم
واسال الله تعالى الا اكون جسرا تعبرون به الى الجنه ثم يلقى به الى النار
واحمد الله تعالى ان ستر ما لا تعلمون

تحياتى


مؤمنه
ـــــــــــــ
والله اسمك لوحده منح شخصى المتواضع شرف انا اقل من ان اناله بزيارتك الكريمه
جعل الله اسمك هو سمتك وجعلنا مثلك
جزاكى الله خيرا

تحياتى


mo7amed mamdo7
ــــــــــــــــــــــ
اعزك الله ونصرك الله وثبتك الله على دينه وتقواه
تحياتى

momken said...

rack-yourminds
ـــــــــــــــــــــ
اللهم اجعلنا من عبادك المتقين
انا وانت واحد يا احسن واحد فى المدنين كلهم ولو انت الى عملت الموضوع ده كان هيبقى احسن من موضوعى الف مره انا عارف ان بينى وبينك حمس سنين قرايه على الاقل
اما بالنسبه لثقافتك انا مقدرش اوصلك
انت مثل كل الشباب بتحتذيه
اللهم لا حسد ربنا يزيدك ويزيد المسلمين

تحياتى

momken said...

sn0wna
ــــــــــــ
بارك الله فيكى اسمك روعه يا سنوانا ربنا يقربنا منك فى الجنه من
متشكر لزيارتك الاولى واتمنى اشوف بوستات فى البلوج بتاعك نتعلم منها ويستفيد منها المسلمين

تحياتى

مــــــــــــنى
ــــــــــــــــــــــ
متشكرا على الاطراء الجميل الى بينم عن اخلاق عاليه
واشكرك على حسن ظنك فى شخصى البسيط
واسال الله ان يجعلنى كمان تظنين ويعفى عنى فيما لا تعرفين
تحياتى

semsem said...

شكرا جدا على المجامله الرقيقه دى

الشعر ده
لحسان بن ثابت
شاعر الرسول صلى الله عليه وسلم
وكان من اول الحاجات اللى حقظتها فى الشعر الاسلامى

طبعا تتقضله ومن غير اذن كمان

انا فعلا بحس فيها يخشوع رهيب


وفقك الله الى ما يحب ويرضى

klmat said...

قصه مؤثره وفيهاعظه
وبتخلينا نعيد حسابتنا
مافيش لنا ملجأغير ربنا
سبحانه وتعالى
اشكرك من قلبى على
البوست الرائع
وربنا يزيدك علم وتقوى
تحياتى

rack-yourminds said...

ممكن., الجميل انا بشكرك كتير علي كلامك الجميل ده ...وده ان دل علي شئ فهو يدل علي انك انسان متواضع ورقيق وحساس

انا بجد اقل بكتيييييير مما تتصور ولا اساوي شئ بالنسبه لثقافتك

ومفيش اي وجه للمقارنه بيني وبينك لانك احسن وافضل مني بكتييييير .., والله بجد دي مش مجامله دي هي الحقيقه انا ادري بنفسي كويس


انا سعيد بمعرفة شخصيه مثلك وان شاء المولي تدوم اخوتنا

تحياتي لك يا جميل

الدمعه said...

بسم الله ما شاء الله
ربنا يباركلك يا رب ويكرمك
بوست جميل فعلا

ومرسي على سؤالك في غيابي

تــــ(حـنة)ــــر said...

السلام عليكم ورحمة الله وبركاته

بجد مدونة رائعه

ومجهود ... تحسدوا عليه

مش عارفه لو ممكن اشاركم ولا لأ

ع العموم
بارك الله فيكم وجزاكم خيرا

momken said...

semsem
ـــــــــــــــــــ
اهلا بيكى ديما
بارك الله فيكى وفى سيدنا حسان بن ثابت

تحياتى


klmat
ــــــــــــــ
الحمد والشكر لله وحده على توفيقه وتثبيته اهلا بيكى دئما يا احلى الكلمات
تحياتى

rack-yourminds
ـــــــــــــــــــــ
بارك الله فيكى
كلامك بياكد رائى فى شخصك الكريم
تحياتى

momken said...

الدمـــــــعه
ــــــــــــــــــ
مع ان اسم القلب الصافى افضل من الدمعه بس برضه الدمعه ليها وجود وشخصيه
اهلا بيكى ديا
وحمدالله على السلامه

تحياتى


Tamr7na
ـــــــــــــــــ
اهلا بيكى يا تمر حنه وشكرا على كلامك الجميل
بالنسبه لاقتراح الانضمام فالموضوع ده مع صاحبه مدونه شمعه امل وصاحبه مدونه حدوته اسكوب
هما دول المسئولين عن ضم حد جديد لمدونه المنبر او تقدرى تقولى ان هما دول الادمن
تحياتى

مؤمنه said...

السلام عليكم ورحمة الله وبركاته
أخجلتم تواضعنا
شكركم لذاتى هذا اعلى بكثير مما استحقه
ادعو الله ان اكن دوما عند حسن الظن
وجزاكم الله عنا افضل جزاء
والسلام عليكم ورحمة الله وبركاته

الصقر الجارح said...

يا مَنْ يُعَانِقُ دُنْيَا لا بَقَاءَ لَهَا ××× يُمسِي وَيُصْبِحُ في دُنْيَاهُ سَفَّارا

هَلاَّ تَرَكْتَ لِذِي الدُّنْيَا مُعَانَقَةً ××× حَتَّى تُعَانِقَ في الْفِرْدَوسِ أبْكَارَا

إنْ كُنْتَ تَبْغي جِنَانَ الخُلُدِ تَسْكُنُها ××× فَيَنْبَغِي لكَ أنْ لا تَأْمَنَ النَّارا

momken said...

مؤمنه
ــــــــــ
مرحبا بك دائما

تحياتى


الصقر الجارح
ـــــــــــــ
جزاك الله خيرا

تحياتى

فراشة said...

الأيمان هو التصديق بالقلب و الإقرار باللسان.
سمعت هذا التعريف بالايمان منذ كنت صغيرة أيام المدرسة لكن لم أفهم بما نقر و بما نصدق.
فالحياة علمتني أن أصدق بقلبي بأنني سأنجز أعمالي و أن الله يساعدني
في كل شيء .

سلمت يداك على كتابة هذا الموضوع
و إلى الأمام

momken said...

butterfly
ــــــــــــــــ
الله اكبر....كلامك منتهى الجمال انا ليا الشرف انى انضم للمتفقين معاكى فى كلماتك
ونعم بالله طبعا ربنا سبحانه وتعالى هو العون الاول والاخير بلا ترتيب فى كل اعمالنا ولا توفيقه ما انجزنا اى شىء

سلمتى
تحياتى

not crazy said...

من اجمل البوستات اللى قابلتها خيالك واسع جدا وطريقتك ف صنع خيالك ماشاء الله اللهم زيد وبارك اتمنى ان اكتب كل ما فى داخلى مثلك